Akisussaanerit atoruk

Arnanut 21 · 28/9-2008

Irene Jepson (foto/ass.: Leiff Josefsen)Niviarsissat marluk biillerlutik tunuporsorniarlutik biilimut allamut uninngasumut aportut ullut arlaanni isigaakka. Taakku tuaviinnaq qimaapput. Ajoqusikkaminnik qimarratiginninnerat assut kamaammiutigara. Taamaattumik biilip normua allariarlugu politiinut tunniuppara. Niviarsissammi taakku isumaqarsimagaluarput takuneqarsimanatik. Apornerammi allaffimma igalaavaniit isiginnaarpara. Politiip kingusinersukkut oqaluttuuppaanga niviarsiaq taamani biilertuusoq politimit orninneqarami tuparujussuarsimasoq.

Ullut arlaanni Brugsenimi pisiniareerlunga biilinnukarama takulerpara aporneqarsimalluni ajoqusersimasoq. Fuck !!!! Ilumummi taamaaliorfigitilluni ajoq. Sooruna inuit ilaat akisussaaffimminnik qimarratiginnittartut. Uffaluunniit allagartannguanik ilisisarunik kinaanertik ilisimatitsissutigalugu.

Aamma uanga ullut arlaanni biilimut allamut aporpunga ajoqusingaatsiarlugu. Annilaangangaarama sajuttuinnaavunga assullu ajuusaarlunga. Apugara kiap pigineraa nalugakku politiinut paasiniaavunga. Kanngusukkaluaqalungalu piginittua sianerfigaara qanoq iliortoorsimanera nalunaarutigalugu, qaammallu ataaseq qaangiummat iluarsaanneqarnerata akia 3-4.000 koruunit missaat akilertariaqarakku suli ajorneruvoq. Ullumikkulli taamasiorsimanera tanngassimaarutigaara, tassami akisussaaffiga qimarratiginagu pissusissamisoortumik iliuuseqarpunga.

Taamaasiorsinnaasut ikippallaaqaat.

Siornami biilera Baristap silataani uninngatillugu aporfigineqarsimavoq. Taamani apuisup kinaanera paasinngisaannarpara akisussaaffimminik qimarratiginnissimammat.

Inuit ikippallaat akisussaaffik tigorusuttarpaat – oqinneerarsuuvormi akisussaaffimmiit qimaaneq.

Irene Jeppson

Isummersorfik ilaafigiuk:

  1. hej Erine taaliuvutit takuuk inuit tamatta perorsagaanerput assingiingitorujussuuvoq perorsarneqarnerit nuannersuuvoq inoqaternut tatinginnittuusasutit ataqqinnittuusasutit unneqarittuussasutit ilumoorpoq tamanna taamaattut inuit maligassaalluarput perorsagaasimanerput taanna ua eqqaagaagakku assut nuannaarutingisarpara aamma uanga angajoqqaamma taamak perorsarmannga ullumimut kukkussutingisinnaasannik takunnissinnaalerlunga aaqqiisinnaagaagama nuannaarutingisaqaakka angajoqqaakka taakkuugamimmi ineriartorninni tunniussuussijuarsimasut qaqangorsuarmut pissuserissumik inuppalaartumik ataqqinisinnaasuseqartumik inuunissanut tunngavilersuisut ilumummi inuit taamatut pissuseqarneruleraluarutta taava aamma nunarput namminiilernissaanut kivitsinissatsinnut nakuunerussagaluarpungut unneqarilluta nukittulluta immitsinnullu tatingaluta .
    kisiaaan naa nerrivimmut kukkussutitsinnik qaqitisinnaatinnata kingumullu qiviarsinnaatinnata qanoq ililluta namminiilivissagatta ?
    inuuneq sunilluunniit artornartulik atoraanni taava imminut aperisariaqarneq inuppassuit naluasarpaat uffa nammineq qanoq iliuuseqangikkaanni sunaluunniit qaangeruminaannerusartoq uangut nammineq allannguinngikkutta allat susinnaanginnamitingut ikk Erene
    taamak arlaanik oqaasiinnarmilluunniit nuanniittumik anitsisimagaanni tarnilunnartartingisoq qanorlimi aamma taamak annertutingisumik ajoqusiilluni nuanniikkaluartingaa taava ima oqarusuppunga sumiikkaluaruttaluunniit tamatta ajortulitsinnik isingineqarpungut tamanna eqqaamasariuk aamma akerlianik nuannersunik iliorningut isingineqarput unaannarluunniit eqqaallungu ippassaaninnguaq pisoq ukiorpassuarni isertuuneqarsimasoq avanersuarmi pisimasoq qaartartorsuarmut tungasoq ilumoorami ajortoq qulaarneqartuassaaq aammalorsuarmi tiaavulup suliapalaavi ajungaaqilik !
    aamma taamaappoq ajortuliamik qimarratinginnineq nunami maaniitilluta akissarsiassaq akilingassarlu tunniunneqartussaapput uanga tamanna upperilluinnarpara nersornaammi aattaat pijumaaratsingu pavani ataatanni taamaatumik ajortumut soorunami sulerusunnangeqaaq ilaa ?
    nåår taamatut ilassusiilaarlunga oqarfingerusuppakkit Erine taamaatuaanarit peqqissimissutissaqarnak inuussatit taava aammami inuuneq oqinnerusarmat taamatut inuulluni ikk sunik tamanik siunissami ajunnginnerpaamik kissaappakkit .
    inuss
    nunaqqatikut qasingiannguaniik
    inuk

    # Olene Geisler — 17/11-08
  2. Hej arnanut ??
    soormiuna aamma imarisaq-mik taallugu aappalinnik allasiortitsisartunik atuagassamik arlaannik imalimmik eqqarsalaarnartumik allataqarussi immaaq inuusuttuaqqanik arnanngulersunik itsertitsisinnaasumik pilersitsissagaluartoq ?? :) arnanngulersummi ilaat ima soqutigittaatigisarput allaat aappaa naartugaluartoq soqutigisaqarnani allasiortitsisoq angut akuerinarlugu soqutigittaaneq taama ullutsinni sakkortutigisoq atuagassiaassagaluartoq eqqaamajuminartoq ajortumik tigunagu iluamik eqqarsaatigisarialimmik !!

    # emma — 18/8-10


Allaasaserisatit nassiutsinnagit kisitsisit naqinnerillu uuma ataaniittut allaqqaartariaqarpatit.
Inden din kommentar kan blive vist, skal du indtaste tallene og bogstaverne nedenfor.
Kisitsisinik naqinnernerlu nutaanik pisariaqartitsiguit una tooruk.
Klik her hvis du har brug for en ny bogstav-/tal-kombination.

Kisitsisit naqinnerillu suuneri tusaakkit
</br>Lyt til tal-/bogstav-kombinationen