Imminut salloqittarneq

Naggasiut, Arnanut 21 · 26/9-2008

Tukummeq Egede MartinsenUkiut arlallit matuma siornatigut Danmarkimiitillunga angutaatissaaleqivunga, taamaattumik internetimi attaveqartarfik arto.dk. atorluartarpara. Taamaalluni angut assut pissanganartoq nalunaaruteqariasaarpoq, nuannaatsangaaramalu imaasiallaannaq misigilerpunga illoqarfianukarniarlunga bilittisereerlunga, naak ajortoqarsinnaanera ilunni malugisinnaagaluarlugu. Inuuninni misilittakkama ilaat eqqaamavara, tassa kisimiillunga anaanaasimanera artornartunik misigissaqarfigisimasara. Eqqaamagaluarlugu maluginngitsuusaarpara angummik nassaarluarnissara kissaatigingaarakku toqqissillunga inuulernissara takorluulereerlugu.

Avataanit isigaluta tassaavugut ilaqutariit pilluartut, marluullutami siortigut aapparisimasatsinnit meeraqarpugut. Inuit iluatsitsisimasut, pilluartunik meerallit aningaasatigut ajornartorsiuteqanngitsut. Qaaginnarsiortumik isumaqarpunga kiisami ujartuakkannik nassaarsimallunga, ilunnili suna pinerpoq aarlerinartoqarneranik nalunaarut takkuttaqattaartuarpoq. Takkuttorlu tuaviinnaq puigorniapallattarpara takorluukkamillu inuunera nangeqqittarlugu. Taamasiornerilli tamaasa ilunni qiimassusera milliallattarpoq.

Ilummut qiviatuaraangama takusarpara Tukummiaraq marlunnik ukioqarluni angajoqqaani avimmata ataataminik annaasaminik ujarlertuartoq. Massakkut paasisinnaavara toqqissisimarusunnermik pilluarneq sallumik tunngavilik qinersimallugu.

Taamani timmisartupallanninnit ukiut pingasut qaangiummata kisimeeqqilerpunga, qanittukkut 30-nik ukioqalissaanga siunissamilu periarfissarpassuaqarlunga. Suli nuannernerpaaq tassa ataataga nanigakku. Aasaq manna immitsinnut misigissutsigut iluarseqqippagut pilluaqaangalu. Meeraq ilunniittoq pissusissamisut peroriartuaarpoq siunissamilu nammineq kissaatigisakka najoqqutaralugit ingerlariaqqinnisannut ikiorpaanga.

All. Tukummeq Egede Martinsen

Isummersorfik ilaafigiuk:

  1. illumoorluinnarpoq psykopaatimik avinniarsaraluni, imami sakkortusimatigaaq ukiut 15-it najorakku mattulluta nammitsinnut avittaqattaarnerup amerlanerpassuisa ingalluni eqqarsaatersuutaaj sakkortutsimmata neriukkaluaramami kammagerusuinnarlugu paasilerparalu ´taamaaliorsinnaananga, meerannguagut isumaqarlunga iluamik perorsarlutigit imaluunniit uanga suummi tamaasa suliarisarpakka ajunngitsuuniarnermik sutigut tamatigut paasivarami taamaattoqarsinnaassimanngitsoq uanga allanngortitsiniarnersuara uikunnut uikunngortsinniakkannut ajortarnersui tamaasa eqqaaginnarlugit immineq nukippassuit atulertarpakka naak nalunngikkaluarlugu iluaqutissartaqanngitsut, massakkummi meeqqakka tamarmik nukkama 1988-simi inunngornikuusup paarivaaj uanga atuarninni pikkoreqaaq aali meeraqanngikkaluarluni kisiannili angutiviaa meeraqarluni pitsaasukuluummik marluullutimmi meeqqeritoqaat aliikkusersortuaannavippaat nakkarsarnagit ajortunik oqaluffiginagit pilluarput qujanartumik qujassutissara annertummat ilami ukiut qulit iluanni allannguiniartarnerigaluakka iluatinngittuartarmata massakkullu ilumoorunnerullugit toqqarnerullunga ilinniarnissara ingerlakkumallugu :) ilumut psykopatisk kalaallit nunaanni amerlavallaaqaat ::: :(

    # emma — 19/1-11


Allaasaserisatit nassiutsinnagit kisitsisit naqinnerillu uuma ataaniittut allaqqaartariaqarpatit.
Inden din kommentar kan blive vist, skal du indtaste tallene og bogstaverne nedenfor.
Kisitsisinik naqinnernerlu nutaanik pisariaqartitsiguit una tooruk.
Klik her hvis du har brug for en ny bogstav-/tal-kombination.

Kisitsisit naqinnerillu suuneri tusaakkit
</br>Lyt til tal-/bogstav-kombinationen