Kalaaleq pornoliartittartoq
Ilisarititsineq, Arnanut 19 · 29/3-2008
22-nik ukiulik Pipaluk Adams aningaasarsiutigalugu pornomik filmiliaritittarpoq.
– Atoqatigiinneq tamatigut ornigisarsimavara. Isumaqarpunga atoqatigiinneq alutornartuusoq taamaattumillu pornomik assilisittartuunera ajornartorsiutiginngilara, 22-nik ukiulik Pipaluk Adams oqarpoq.
Taanna 1985-imi Nuummi Dronning Ingridip Napparsimmavissuani inunngorpoq. Angutaa Sofus kalaaliuvoq arnaalu Silvana italiamiuulluni.
Pipaluk Adams 1987-imi marlunnik ukioqarluni Danmarkimut pivoq.
– Angajoqqaakka najugaqatigiikkunnaarsimapput ataatagalu Kalaallit Nunaannut utersimavoq. Ilaquttakkali kalaallit suli attaveqarfigaakka.
Pipaluk Adams, imminut Paris Natalia-mik taagortoq, pissianilu Ringstedimi najugaqarput.
– Atisanik nalinginnaasumik assilisittartutut aallartippunga. Taavalu tamataqarnanga assilisittartunngorpunga maannalu pornomik filmiliaritittalerlunga.
– Suliara ajunngitsuliornermik sulinertut isigaara. Sammisaqarfinni pitsaasorpassuaqarpoq kusanartumillu aningaasarsiutigalugulu assilisittartutut pineqartarpugut. Uannut porno pitsaasuuvoq. Tassami pinngitsaaliinerit 3 procentii pinngitsoortittarpai.
ANGALANERMI MISIGISARPASSUIT
Pipaluk Adams suliani pissutigalugu nunarsuarmi angalasartorujussuuvoq.
– Tamanna inuussutissarsiutissattuttoqqarsimavara. Nutaanik arlalinnik attaveqalersimavunga tamatumalu kingunerisaanik siunissami angalangaatsiartassaanga.
– Ilaatigut USA-mut, Europamut Japanimullu angalassaanga assiliinerni peqataajartorlunga.
– Kingorna Australiamukassaanga Canadaliassallungalu pornofilmimi peqataajartorlunga.
Qaammatip naalernerani Sverigeliassaaq assilisikkiartorluni kingornalu hollandimiut aviisiinut assilisinnermi peqataassalluni. – Ulluni makkunani sammineqangaatsiarpunga, pissutigerpiarlugu Kalaallit Nunaanni pornomik filmiliaritittartut siullersarimmannga. Qallunaat aviisiinit assigiinngitsunit apersorneqaqattaartarsimavunga assilisittarsimallungalu, soorlu »Express«-imut, »Pigespecial«-imut, Belingskemut aamma Ekstrabladetimut.
ALUTORINARTOQ
– Amerlaqisut isumaqarput alutornartuusunga, affarmik kalaalioriarama kalaalerpalullungalu.
– Sammisaqarfinni isikkora allaanerulaartumik sunniuteqartarpoq. Arlallit oqarsimapput kalaallini takusimasaminni pinnernersaasunga.
Qaniginerpaasatit qanoq qisuariarsimappat?
– Amerlaqaat isumaqartut ajunngitsuusoq, Kalaallit Nunaata takussutissaa allatakutikkakku. Kalaallit Nunaannit inunnit, isumaqartunit nuannerluinnartoq nuna taamatut takutikkakku, arlalinnit pitsaasunik allagarsisarsimavunga.
– Ilaquttamma nalunngilaat sulinersunga. Anaanama nalunngilaa, oqaloqatigiissutiginngisaannarparpulli.
Pissiaqarputit.. qanoq isiginnippa?
– Pornomik filmiliortittartuunera ajorinngilaa. Suliattut isigiinnarpaa. Uannut pingaaruteqarsimavoq sammisaqarfimma avataaniittumik appaqarnissara.
Pissiara unnuarsiortartuni pisortaavoq.
– Taamaasillunga atoqatigiinnerinnaanngivissumik oqaloqatissaqarpunga.
Pipaluk Adams suliaminut atatillugu angalakulasarpoq.
– Ilaanneeriarlunga sapaatip akunneri ataaseq-marluk atatiinnarlugu sulisarpunga, pingaartumik assiliseqattaarlunga angalagaangama.
– Sapaatip akunnerini marlunni angalakulasarpunga.
– Aammattaarli suliaqartarpunga akunnerit tallimaannaat missaannik sivisussusilinnik.
Assersuutigalugu Pragimiissimavunga ulloq ataaseq assilisikkiartoqattaarlunga.
Ullaap tungaani aallarluta unnuullu ingerlanerani uterluta.
– Jyllandimeeqqammerpunga assilisikkiartorlunga, assiliisartut marluk angalaninni malinnaaffigalunga.
Pipaluk Adams qaammatisiutiliuleruttorpoq tiinganilerisumillu atuakkiuleruttorluni.
– Suliassaqarluta angalagaangatta tamatigut nuannisartaqaagut. Akissarsiarissaarpunga angalanitsinnilu atortuvut tamarmik akilerneqartarput. Sulianni tamatigut illaqatigiittaqaagut.
ISIKKUNI NUTARTERLUGU
Pipaluk Adams pornomik sammisaqarfinni Paris Natalia-tut ilisimaneqarpoq.
– Paris Natalia atimma ilagaat. Nutsakka qaamasuujuaannartuusimapput isikkorali allanngorteqqammerpara, taamaasillunga maanna qernertunik nujaqalerlunga.
– Tusaamasatut allatulli pingaaruteqarpoq isikkup allanngortittarnissaa, takunnittunut nutaamik neqeroorutissaqarluni.
Ukiut qulit qaangiuppata sulerissavit?
– Suli pornolerissaanga. Namminerli assilisittartuunngitsutut, ilitsersuisutulli.
– Atorfimma ajortortai takujumi naatsippakka. Nuannareqaara.
Allamik suliaqassallunga eqqarsaatigisinnaanngilara, Pipaluk Adams oqarpoq.
All.:Irene Jeppson
Ass.: Philip Marco Valentin
Isummersorfik ilaafigiuk:
Nutaaq
Weblog
Arnanut
Ujaasigit
Torrak! Pornostjernet kalaallit aamma pitsaasuliortutut isigisariaqarput. Suliaq alutornartoq ingerlalluariuk, Paris Natalie
) Tassani neriuppunga pinngitsaaliisarnernik pinngitsoortitsisarnerit procentia qaffasinnerulissasoq.
# Pani Jensen — 14/4-08Assut taaliuvoq
# Alfred m — 14/4-08Torrak Pipaluk. Isumaqarpunga nunatsinnut ajunngitsumik siuarsaanerusoq, ilami porno ajortuinnarnik aamma imaqanngimmat inuttut assigiinngitsunik misigissuseqarlutalu paasinnittaaseqaratta…
Inussiarnersumik
# Me — 16/4-08Qaqortumit.
saqqummersitaanik pornomik peqataafigisaani piserukkaluarpunga
# samuel adolfsen — 17/4-08sugguuna nittartakkakkut pisiniassaanga qanorlu pornoliai
qulequtaqarpat?
Kakkammi…..
# Najaaraq.mikaelsen — 21/4-08kakkaak amiilaarnaq
# kattaliit — 21/4-08Kakkaammi, tassa kalaaliusugut amingaaterput sapiilluni angusimavaa, aamma allat tamaassinnaasariaqarput, pinerlunnerunngilaq kanngunartuliornerinanilu.
Tapersersugassaapput amerliniarlik.
# Uuha! — 28/4-08kikkunnut tamanut nalikkaani tunniukkaai taanna amilaarnarami,kalaallit nunaannut naleqqutinngillat
# kattaliit — 29/4-08luxus torrak
dot say any more :Ø
# ole — 8/5-08torrak aatsaat tassa arnaq Qa amma kalaallit amerlanerit tamatut amma!
# jim — 12/5-08Paris Nathalia kalaallit amerlasuut sapersillugit ingerlavutit taamatut ingerlalluaannarit torrak, ilumullu kanngunartuliornerunngilaq torrassuuvoq!!
# Lea — 20/5-08Taali kalaallit aamma pisinnaaput sapiuttut sapillit
# frederik fra Sisimiut — 26/5-08atunnerlutinnikut procen nakkartissinnaagukku smart
allatigullu atunnilugaanikut pistangusinnaaguni ajung
torrannerpa?
# spnj72 — 26/5-08Ajunngilaq kisianni tusakkajuttarpagut nalaataqakkajuttuupput arnat tassani branche-mut isertut,ajunnginnerputimmi? kisiannimi imminut ajuqusinngikkuni ajunngilluinnarpoq.
Timigikkaannimi imminullu naleqartinneq/tatigineq nukittuffigigukku ajunngeqaaq, kanngusuutissaanngilaq.
Qanutummi inunngorpugut?
Uanga isumaqarpunga inuk kinaluunniit kiffaanngissuseqarnini atorluarsinnaagaa, kalaallit uagut inunnut kiffaanngissusiiaavallaarpugut. Kalaalerlu susoq uparuartarparput kinaassusaajarlugu. Illinnguaq nammineq ajorinngikkukku nuannarigukkulu kiffaanngissuseqarlutit ingerlanniaruk!
# Marsof. F — 8/6-08Qujanarujussuaq tapersersuinissinnut:)
ujaarlerfissami ujaannassuarsi Paris Natalia
# Pipaluk Adams — 17/6-08www.redtube.com tassunga iseriarlusi videoklip takusinnaavarsi ilaasunga
Ilaaneralu ersinnani, ujaraluarakkut peqanngilaq
# Henrik — 12/7-08Sumi pissarsiarisarpaat taanna Film-meq?
# Taatsi — 24/9-08Ilumut iluaqutaanissaa uanga aamma qularinngilara. Neriuppungalu taamaaliornerit nuannaralugu ingerlatiinnassagit!
# anonym — 25/9-08Tassa inuk nammineq! Aammami atoqatigiinneq inuunitsinnut ilaaginnarpoq,taamaammat paquminartutut isigisinnaanngilara.
# Uanga — 6/11-08Inuup piginnaasani nammineq atorligit pikkoreqaaq .-) Kia anguss!
tass torrak, qanerm, aam kalaall paqumisorranniaannassappat itsaq qanga inuunngilagut ASSUT TORRAK!!! Naak ilai?
# frederik — 12/11-08