Arnanut

Avissaartinneqassanngitsugut anaanatta kissaatigaa
Ukioq manna Arnatsialanngortoq Britta Petersen 18-inik ukioqalersimatsiaannarluni anaanaaruppoq, anaanani kræftimik nappaateqarluni toqummat. Taamani naak aliasukkaluaqaluni qatanngutiminut nukarliunerusunut pingasunut akisussaasuulernissaminut nukissaqarsimavoq.

Ukioq manna Arnatsialak tassaavoq qaqortormiu 24-nik ukiulik Britta Petersen, malunnarporlu persuarsiutigineqarneq sungiusimanngikkaa. Qaqortup viceborgmesteriata Simon Simonsenip tunniussai naasut ittoorpasilluni sunnertissimarpasillunilu isigai. Naasut tunissutisiani naartuminut tutsillugit eqitaarpai, qullingiartuutigalunilu ikinngutiminut ilaquttaminullu nuannaaqaataallutik aggersimasunut qungujulavoq. Tassami Brittap arnatsialanngornissani ilimagisimanngilluinnarpaa, nalliuttorsiuttorsiualaarnermilu nalunaarfigineqarami tupaallaqaaq.
– Soornguna arnatsialanngortinneqartunga, kingusinnerulaartukkut aperivoq, - naluara… eqqumiik… immaqaana arlaat isumaqarsimavoq akisussaaffimmik angisuumik tigusisimasunga?
Tassami arlallit taama isumaqarput, taakkununga ilaavoq ajaa Lone Adolfsen, taannalu Brittap ARNANUT-ni arnatsialanngortinninneqarnissaanut siunnersuuteqarluni allattuuvoq.
– Britta inoqatiminut asannittuuvoq, tamanna ingerlannaq malugineqarsinnaavoq. Nuannaartuuvoq sunillu tamanik aaqqiiniartarluni. Arnanut allanut maligassiuisuulluarpoq. Ajornartorsiornini nakkaatiginagu nukittunerulissutigaa, imminut eqqarsaatiginani inoqatini salliutittaramigit, Lone Adolfsen oqarpoq.

Qatanngutigiit avissaartinneqassanngillat
Brittap angajoqqaavi qangali avissimapput, angajullersatullu nukarliit paarineqarnissaannut Britta anaanaminut ikiuuttuaannarsimavoq. Qatanngutai tassapput marlulissat Betina aamma Bjarne nukarlersaallu Bebbie. Anaanaat Helene Petersen napparsimmavimmi sundhedsmedhjælperiuvoq, suliartortarfiilu nikerartuullutik. Sulineratalu nalaani Britta nukarlernut paarsisuusarsimavoq.
I 1997-mi Britta 16-nik ukioqartoq akisussaaffia sakkortuseriasaarpoq. Taamanikkut arnaat kræfteqalersimasoq paasineqarpoq. Ukiut marluk nappaatiminut akiuuppoq1999-imilu toqulluni. Taamanikkut Britta 18-nik ukioqarpoq, Betina Bjarnelu 13-inik Bebbielu 11- ukioqarluni.
– Anaanaga nappaatini pillugu ammasorujussuuvoq. Aallaqqaataani toqussi kisimiilernissarpullu taagaangagu tusaajumasanngilara. Piffissalli ingerlanerani taamak pisoqarnissaanut piareersarneqarpunga. Qatanngutigiiusugut ataatsimoornissarput anaanagalu oqaloqatigiissutigisaqaarparput. Kissaatigisaasa pingaarnersaat toquguni avissaartuutinneqassanngitsugut. Ullumikkut qujasarpunga uummallulluniluunnit tassaanngaannaq toqunngimmat, toqunissaatami tungaanut ilagalulu piareersarnissamut periarfissaqartitaasimavugut.

Diplom
»Arnatsialak ukioq 2004«
Asasara Britta Petersen.
Qamannga pisumik pilluarit! Arnanut atuartartuisa arnat 150-it sinnerlugit amerlassusillit »Arnatsialak ukioq 2004«-mut piukkullugit siunnersuutigaat.
Arnanut toqqaasussaasa illit ukioq manna
Arnatsialattut toqqarpaatsit makku tunngavilersuutigalugit:
»Piffi ssami ilaqutariippassuit avissaartorfi anni aamma naak inuusukkaluaqalutit akisus saafferujussuaq qinersimavat. Aliasunnerujussuarmik nalaataqaraluarlutit sakkortuumik aalajangertariaqarsimavutit, taamaaliornikkullu qatanngutinnut ilaquttannullu isumaginninnermik asanninnermillu annertuumik tunniussillutit. Inuttut piginnaaneqaqaatit allanullu maligassiuilluarlutit.«
ARNANUT sinnerlugit pilluarit
Inga Dóra Gudmundsdóttir Markussen,
aaqqissuisoq

Inuusuttuaqqat naalungiarsuillu
Brittap naartuni tagiartorpaa. Pingajussaa Avissaartinneqassanngitsugut anaanatta kissaatigaa Ukioq manna Arnatsialanngortoq Britta Petersen 18-inik ukioqalersimatsiaannarluni anaanaaruppoq, anaanani kræftimik nappaateqarluni toqummat. Taamani naak aliasukkaluaqaluni qatanngutiminut nukarliunerusunut pingasunut akisussaasuulernissaminut nukissaqarsimavoq. naartuvoq. Angajulliliaa – ningiuminut atsiaq – Helene - nerrivimmi eqqissilluni titartaavoq. Aqqaluaa Alex aleqaminit nipiliornerulluni natermi pinnguarpoq.
– Angutaatigalu Tom anaanap napparsimanerani meerartaarusukkaluaratta ningiunngorneq misiginiassammagu, ajoraluartumilli ningiunngorneq angumerinngilaa, Britta oqaluttuarpoq.
– Qatanngutinnut akisussaasuutigalunga naammineq meeqqiornera oqimaatsutut eqqarsaatigisimanngisaannarpara. Anaanami oqarpoq ataatsimuuginnassasugut. Ilaqutariinnummi allanut agguaanneqarnissarput eqqartorneqarnikuugaluarpoq. Uagulli taamaaliortoqarnissaa eqqarsaatigisinnaanngilarpulluunniit.
– Soorngunalimi qatanngutikka inuusuttuaqqatut allatulli pupartutut iliuuseqaleraangata – naalanngileraangata – qanoq iliornissara nalornissutigisarpara, taamaasisoqaraangallu
eqqarsaatsikkut anaanaga
kamaatingajattarpara toqujaarpallaaqimmat.
–Naluara Tom aapparinngikkaluarukku qanoq iliorsimassagaluarnerlunga, naluara nukissaqarsimassagaluarnerlunga, Britta illarluni oqarpoq angutaatinilu sanasoq 28-nik ukiulik Tom assannippalulluni isigalugu. Britta aamma Tom ukiut arfineq pingasut aappariissimapput.
– Tom ilaqutaalu ajornartorsiornitsinni tapersersortitta pingaarnersaraat, oqarpoq.

Immaqa ilinniartitsisunngussaanga
Brittap arnaa toqumma Britta aamma Tom Brittap qatanngutaanut angajoqqaarsianngorput. Aallaqqaataani inissiami anaanamik inaanniipput. Aamma piffissap ilaa Tomip angajoqqaavini najugaqarput. Ullumikkullu namminneq illoqarput meeqqatik Brittallu nukaa nukarleq Bebbie illoqatigalugit. Marlulissat Betina Bjarnelu januarimi namminneq initaarput.
– Neriartorfigiuartarpaatigulli, Britta qinngasaarerpasilluni oqarpoq.
Britta qatanngutiminut anaananngornermi nalaani GU-mi ilinniarnertuunngorniarluni atuarpoq, piumaffigineqarnerli annertuallaaqimmat atuarnini unitsippaa. Kingusinnerusukkut aallarteqqikkaluarpoq naartuleramili taamaateqqilluni. Ullumikkut atuarfimmi ilinniartitsisunut taartaasartutut sulivoq, siunissamilu ilinniarsimasutut ilinniartitsisunngornissani eqqarsaatigisarpaa.
– Immaqaluunnit ilinniarnera pingajussa taamaatiinnartariaqassavara aanaanngornera pissutigalugu, illarluni oqarpoq.
Quiasaarutigigaluarlugu ilumoorullu kissaatigisaraa. Tassami ilinniakkaminik naammassisaqarnissaminut piffissaqarnanilu nukissaqarsimannginnini anniaatigilaartarpaa ilinniagaqartuunissani kissaatigiuarsimagamiuk.
Ilinniarnissamulli periarfissat annaasimasani Brittap nikalluutiginngilai. Akerlianilli qatanngutimi ingerlalluarnerat tulluusimaarutigaa. Betina massakkut ilinniarnertuunngoriarluni GU-mi atuarpoq, Bjarne sanasutut iliniartuuvoq Bebbielu qanittukkut ilinniarnikkut paarlaasseqatigiittarneq aqqutigalu nunamut allamut aallartussaavoq.
– Aqqusaakkagut artornatut qaangersinnaasimavagut immitsinnut asanninnermik toqqissimanermillu tunisinnaasaratta, aamma ilaquttatsinit ikinngutitsinnillu tapersersorneqarluartaratta.
Meeqqanut angajoqqaarsiatut akissarsiat saniatigut ilaqutariit kommunimit allanik taperserneqartariaqarsimanngillat. Psykologimit ikiorneqarnissaminnik neqeroorfigineqarsimagaluarput, pisariaqarsorinnginnamikkuli qujaannarsimallutik.
– Neriuppunga siunissami tamatta ilinniagaqarluarsimasunngussasugut, tamatta nuannersunik ilaqutartaartussasugut, qaammatillu tamaasa ataatsimoorluta nereqatigiittarnissarput eqqaamassagipput neriuutigaara, Britta oqarpoq, ullormi taanna nammineq ilaqutarpassuarminut kaffillerluarpoq.

Arnanut-mi »Årets kvinde 2004«-mik aalajangii sussat tassaapput Viola Olsen, Arnaq Grønvold, Saalat Geisler aamma Ane Marie B. Pedersen. Taakkulu imaannaanngitsumik suliassaqarsimapput, arnat inassutigineqarsimasut 150-it akornanni arnamik ataatsimik qinersisussaassagamik. Aalajangiisussat tamarmik immikkut mappit inassutigineqarsimasunik ulikkaartut sapaatip akunnerata naanerani misissuataartussaassavaat. Aalajangiisussat ataasinngornermi Sermitsiami naapipput.

Arnat 152-it Arnanut »Årets kvinde 2004«-nut inassutigineqarsimapput. Taakku ilisimasariaqarpaat allaat inunnit arlalinnit inassutigineqartarsimagamik. Suliarisimasasi pillugit naasunik tunineqarlusilu pakkunneqartariaqarpusi. Arnarpassuit inuiaqatigiinni taama sullissilluartiginerat paasillugu nuanneqaaq.

Nuuk: Sofie Petersen. Lili Nauja Jakobsen. Agnethe Davidsen. Rita Egede. Tine Pars. Vivi Petersen Schmidt. Helene Berthelsen. Mille Søvndahl Petersen. Uiloq Slettemark. Malene Hansen. Mia Kleist. Pia Holm. Priscilla Josefsen. Kista Lynge Petersen. Mina Lynge. Asii Chemnitz Narup. Naaja Nathanielsen. Maria Motzfeldt. Lydie Mattaaq. Tupaarnaq Rosing Olsen. Martha Labansen. Parma Egede Sonberg. Bente Biilmann. Pia Fleischer. Inga Dora Gudmundsdottir Markussen. Hendrine Jensen. Ane Møller. Bodil ”Buuti” Kleist. Britta Johansen. Tina Hinrup. Elisabeth Levisen. Lisa Christiansen. Vivi Heilmann. Charlotte Holm. Else Ostermann Sørensen. Dorthe Egede Hansen. Stine Jacobsen. Ane Sofi e Hardenberg. Doris Jakobsen. Kaalina Skifte. Esther Hammeken. Elisa Berthelsen. Micaela Augustusson. Inge Skydsbjerg. Kattaaraq Flügge. Arnannguaq Gerstrøm. Katsi Kristine Møller-Hansen. Gertrud Kleinschmidt. Atsa Schmidt. Jeanette Holding. Birtha Bianco. Annemette Nyborg Lauritsen. Sofie Tittusen. Anne Birthe Hove. Arnajaraq Tobiassen. Fatuma Ali. Amalie Egede. Randi Broberg. Karen M. Lynge. Karline Petersen. Anna Nuka Olsen Rosing. Uluutannguaq Reimer Lennert. Kistaaraq Vahl. Ane Marie Fleischer. Paninnguaq Abelsen. Ruth Montgomery. Susanne Markdahl. Kirsten Mortensen. Dorthe Møller Jensen. Naduk Solgård. Inger Larsen. Malene Hinrup. Susanne Kjærulff. Paarnannguaq Kristiansen. Elisa Jerimiassen.
Qaqortoq: Kathrine Kielsen. Hanne Malene Kristiansen. Sofie Kielsen. Hanne Kleist. Aleqa Hammond. Britta Petersen. Kitora Kleist. Gerda Søvndahl Pedersen. Edda Lyberth. Anja Lund Jørgensen. Sisimiut: Jonna Qvist. Sara Poulsen. Augusta B. Berthelsen. Ane Marie Olsen. Inger Eriksen. Agathe Fontain. Kathrine Lundblad. Nanna Knudsen. Paneeraq Olsen. Ane Sofie Fleischer.
Aasiaat: Pernille Siegstad. Eva Rasmussen. Ane Hansen. Regine Brandt. Benedikte Brandt. Alice Juhl Nielsen. Ruth Svendsen. Maniitsoq: Bitten Heilmann. Helene Heilmann.
Ilulissat: Biini Møller. Vivi Jakobsen. Bodil Davidsen. Ella Skifte.
Paamiut: Tabithe Lorentzen. Dorthie Møller. Amalie Berthelsen.
Tasiilaq: Anne-Mette Holm. Augusta Ignatiussen. Tulla Andreassen. Gerda.
Uummannaq: Ann Andreassen. Helga Nielsen. Ane Hammond.
Upernavik: Marie Korniliussen. Makkak Markussen. Helene Mørch.
Kangaamiut: Theodora Berthelsen. Emilie Lynge.
Nanortalik: Arnaq Korneliussen. Jensine Djurhuus Poulsen.
Ittoqqortoormiit: Condine Hammeken.
Narsaq: Ingeborg Kristiansen.
Qeqertarsuaq: Hilda Zeeb. Pituffi k: Delwanda Powell.
Nunaqarfiit: Susanne K. Eliassen, Innaarsuit. Margrethe Boassen, Kuummiut. Helle Ravn Sørensen, Kitsissuarsuit. Eva Hunsballe, Siorapaluk. Johanne Kvist, Narsaq Kujalleq.
Savaateqarfiit: Arnaq Bjerre Motzfeldt, Timerliit. Rina Høegh Lund, Inneruulalik. Kristine Egede, Iterlak, Igaliku. Margrethe H. Nielsen »Makkak«.
Danmark: Julie Berthelsen, Karo Olsen, Anne Rune, Agnes Sandgreen, Sidsel Møller.
Udlandet: Maria Panínguak’ Kjærulff, New York.
Sumi najugaqarneri ilanngunneqanngilaq: Else Willumsen. Voldsramte kvinder. Kristine Egede. Suka. K. Frederiksen. Aviaq Dahl. Paninnguaq Rosing. Kristine Marie Nielsen. Grethe Lindenhann. Gudrun Chemnitz.

Arnat uku inassutigineqarsimapput, inassuteqaatilli kingusinaartumik anngummata taakku naliliiniarnermi peqataasinnaasimanngillat:

Qaqortoq: Petrine Isbosethsen, Heidi Rosing, Birthe Hendriksen, Idun Sikemsen, Karna Simonsen, Aka Høegh. Nuuk: Jensine Berthelsen.
Island: Benedikte Thorsteinsson, Ida Heinrich, Island

Isumaqatigiippullu Lone Adolfsen, Britta Petersenimik inassutiginnissimasoq sianerfi galugu erseqqinnerusumik paasiniaaffi gissallugu. Tamatuma kingorna inimmut uteqqipput, nalunaaquttallu akunnerata affaa qaangiummat kina qinerneqarsimanersoq Arnanut aaqqissuisoqarfi annut nalunaarutigalugu.

Britta Petersen makku tunngavilersuutigalugit »Årets kvinde 2004«-tut qinerneqarpoq:
– Arnaq inuusuttoq inuususseruttortoq, ilinniarnertuunngorniartillunili nammineq pilerigisani tunulliutillugit qatanngutimi nukanganerusut pero riartornissaannik aallussisimasoq. Ullutsinni inersimasulluunniit namminneq qitornaminnik - taakkua ilinniagaqarnissaat, oqaatsinik il.il. ilinniarnissaat anguniarlugu iluamik aqutsisinnaajunnaarfi anni.
– Assaa nukittoq taama inuusutigisunnguulluni, taama annertutigisumik akisussaaffi mmik tigusisinnaasoq…!
– Arlaatigut kikkummita tapersersortigisimavai?
– Aappaamita, ilaqutaammi, nunaqqatai nukittusimat il.il.

Aalajangiisussat tamarmik immikkut arnanik marlunnik pingasunilluunniit siunnersuutissaqarput, ilaminnut saqqummiutassaminnik. Erngerlutik paasivaat arnat tamangajammik qasusuinnertik, tunniusimanertik, ilakkuminartuunertik, soqutiginnittuunertik aammalu ilaquttaminnik, ikinngutiminnik, ilisarisimasamaminnik, suleqatiminnik allanillu ikiuilluartuunertik pissutigalugit inassutigineqarsimasut.
Taamaattumillu oqallippallaaratik aalajangiuppaat »Arnatsialak« akissarsiutigalugu sulliffeqarnermigut ilisimaneqarsimanersimanini kisiat tunngavigalugu qinerneqassanngitsoq.