Berthe Rasmussen
Berthe Rasmussen
angakkuuvoq katsorsaasoq, ajorunnaarsaasartoq (healer) assigiinngitsunillu ajornartorsiutillinnik katsorsaasartoq. Misigissutsikkut, inuttut, eqqarsartaatsikkut timikkullu aammattaaq anersaakkut ajornartorsiutit sammisarpai.

Uani apeqqutit ARNANUT nassiussat akisarpai. Kikkulluunniit tassunga apeqquteqarlutik allassinnaapput.

Berthep nittartagaa alakkarneqarsinnaasoq aana: www.centerforinuitfolk.dk

Berthe,
kikkulluunniit sunilluunniit apeqquteqarlutik allagaqarsinnaappat?
Aviisimi ateqarpoq Arnanut, arnaannaat apeqquteqarsinnaappat?
Inuulluarna, Atuarumatooq

Kikkulluunnit apeqquteqarsinnaapput - Angutit, arnat, meeqqat inuusuttullu
Asasara atuarumatooq,
apeqquteqartarfimmut apeqquteqarlutit allaannarsinnaavutit.
Kikkulluunniit apeqquteqarsinnaapput. Angutit, arnat, meeqqat, inuusuttut, qassinik ukioqarneq apeqqutaanngilaq. Suut pillugit apeqquteqartoqarsinnaanera qulequtaani takuneqarsinnaavoq, apeqquteqaruit akiumaarpakkit.
Aviisi ateqaraluarpoq ”Arnanut”, kisianni tamanna isumaqanngilaq arnat kisimik atuartussaallutillu apeqquteqarsinnaasut.
Taamaattumik tunuarsimaassanngilasi.
Asannittumik inuulluarit, Berthe

Berthe Rasmussen

Berthe Rasmussen
Berthe Rasmussen
angakkuuvoq katsorsaasoq, ajorunnaarsaasartoq (healer) assigiinngitsunillu ajornartorsiutillinnik katsorsaasartoq. Misigissutsikkut, inuttut, eqqarsartaatsikkut timikkullu aammattaaq anersaakkut ajornartorsiutit sammisarpai.

Uani apeqqutit ARNANUT nassiussat akisarpai. Kikkulluunniit tassunga apeqquteqarlutik allassinnaapput.

Berthep nittartagaa alakkarneqarsinnaasoq aana: www.centerforinuitfolk.dk

Asasara Berthe,
siunnersorneqarnissannik tuppallersarneqarnisannillu pisariaqartitsinera qanoq aallartissanerlugu naluara. Suunngitsutut misigisarpunga, ilisarisimasaralu imminornikoq kisiat eqqarsaatigilersarlugu. Ukiorpaaluit qaangiutereeraluarput, uangali ilaanni aamma imminornissara eqqarsaatigisarpara. Aliasuttarpunga qanorlu iliornissara nalulersarlugu, tassami imminornissara nammineq kissaatiginngilluinnaraluarpara, kisianni eqqarsaatit taamaattut takkuttarmata qanoq iliornissara nalulersarpara.
Taamani ilisarisimasara imminormat aliasoqaanga, eqqarsaatillu tassunga tunngasut soorlumi malersoraannga, ullorpassuimmi eqqarsaatigiuartarpakka. Inuunera ilaanni ajornakusoortarpoq aamma pilluanngittaqaanga, aammali ilaannikkut ajunngilluartarpunga nuannaartarlungalu, tassami nuannaaruma aqaguani aavaanngusulersimassaanga. Imminorusullunga eqqarsaateqartarnera pillugu immaqa ikiorsinnaavarma, eqqarsaatimmi uteqattaartarmata annilaangasarpunga, soorlumi qimakkusunngikkaannga.
Ajornartorsiortarnera pillugu saaffigisaqarnikuuvunga, saaffigisamali eqqissisaatinik iisartagartornissara kisiat inassutigaa, tamannalu uannut naammanngilaq, iisartakkammi ajornartorsiutinik qaangiiniutaasinnaanngitsutut isigaakka. Neriuppunga ikiulaarsinnaassagimma.
Asannittumik inuulluarna, imminut ilisaritikkusunngitsoq

Annilaangassanngilatit, ajornavianngilatit
Asasara imminut ilisaritikkusunngitsoq,
nukittorpasillutillu aalaakkaarpasipputit. Annilaangassanngilatit, ajornavianngilatit. Ikinngutivit imminorsimanera eqqarsaatigeqattaartarakku illillu imminorsinnaanerit kissaatiginngikkaluarlugu eqqaasarakku nalunanngilaq ikinngutit eqqarsaatinik nassitsisarnermigut malugeqqusaartoq. Attaveqarusuttoqaraangat ilisimatitserusuttoqaraangallu taamaattoqartarpoq.
Ilisarisimasavit ileqqorisartagai eqqaamasarukkit tassaasinnaavoq ilisaritikkusuttoq.
Ilisarisimasavit inuugallarami qanoq ittarnera eqqarsaatigilaaruk – ullut ilaanni nuannaartoq tulliani aliasuttoq, allallu ilisarnaataasinnaasut.
Malugisinnaasoraara paasilluarsinnaanngisatsinnik eqqatsinniittoqartarnera upperigit, qallunaat oqar-tarnerattut ”qilaap nunallu akornanni nassuiarneqarsinnaanngitsoqarpoq”, aamma allakkakka paasisinnaassagitit malugisinnaavara. Tamanna pingaarnerpaavoq, aamma immaqa allat arlallit maluginiagaqartarnertik paasisinnaaleriasaassavaat, tamannalu ajunngilaq.
(Allat imminornissamik eqqarsartartut imaluunniit taamaattunik ilisarisimallit pinngitsoornatik ikiortissarsiortariaqarput. Tamanna tunuarsimaarunneqassanngilaq. Ikinngunaa kisimiinngilatit aamma ikiortissarsiornissat kanngugissanngilat, inoqarpoq ikiuinissaminnut piareersimasunik.)
Aamma nalunngilara imminorusunnermik oqalunneq taama ilungersunartigimmat allaaserinnittoqarneranik isornartorsiuerusuttoqassasoq. Taakkununnga oqaannassaanga: Oqaluuserisassaanngitsutut isiginagu ammaffiginerunissa pitsaanerunnginnami? Qalliinnakkut inuuneq kisimi maluginiarneqarpallaaqaaq. Tarnikkut kimittuumik inuuneqarneq puigorneqartarpoq, amerlasuummi tamanna mattussinnaavaat, taamaaliornikkullu aserorneqarluni paatsiveerunnermik kinguneqarsinnaavoq.
Paasisinnaanngisatsinnik ersigisaqarnerput amerlanertigut tamatumunnga patsisaasarpoq, aamma paatsuuinikkut taamaattut mattunniartarpagut.
Inussiarnersumik inuulluarna, Berthe

Berthe Rasmussen

Berthe Rasmussen
Berthe Rasmussen
angakkuuvoq katsorsaasoq, ajorunnaarsaasartoq (healer) assigiinngitsunillu ajornartorsiutillinnik katsorsaasartoq. Misigissutsikkut, inuttut, eqqarsartaatsikkut timikkullu aammattaaq anersaakkut ajornartorsiutit sammisarpai.

Uani apeqqutit ARNANUT nassiussat akisarpai. Kikkulluunniit tassunga apeqquteqarlutik allassinnaapput.

Berthep nittartagaa alakkarneqarsinnaasoq aana: www.centerforinuitfolk.dk

Hej Berthe,
pingasunik meeraqarpunga isumaqarpungalu angajulleq atuarfimmi qinngasaarneqartartoq.
Ernerma tamanna oqaluusererusunngilaa, kisianni uanga malugisinnaavara akuttunngitsumik atuarfimmit angerlaraangami nuannaanngittartoq. Sooq nuannaannginnera pillugu aperigaanganni kamattarpoq. Tamakku pillugit uanga oqaluukkusunngilaanga, angutaatalu oqaluunnikuunngilaa, meeqqanimi tamakku pillugit oqaluuteqqullugit oqarfigigaanganni kamattarpoq. Uiga taamaammat aamma kamattarpunga. Taassumami aamma meerarai.
Avinniarlugu eqqarsartarpunga, tassami uima aamma nammineq aappariinnitsinnut perorsaanitsinnut akisussaaqataanini paasiumanngilaa. Uima taamaan nera arlaleriaqalunga malugisarpara ajorileraluttuinnarlugulu.
Inussiarnersumik inuulluarit, anaanaq kisimiittutut misigisoq.

Immaqa qinngasaarneqartarnera kisimi ajornartorsiutaanngilaq
Asasara anaanaq kisimiittutut misigisoq,
Taamatut atsiornerit paasisinnaavara, tassami uivit aappariinnissinnut perorsaanissinnullu akisussaaqataajumanngitsutut pissusilersornera pissutigalugu kiserliortutut misigisutit malugaara.
Imaalluarsinnaavoq ernerit atuarfi mmi qinngasaarneqartartoq, tamaatto qarpallu unitsinneqartariaqarpoq. Ernerit oqalukkusunngitsoq tamangiiserfi gigukku kamatsiinnassavat. Nammineerluni ilinnut/ilissinnut saaffi ginnikkuni ajunnginnerussaaq. Sukkulluunniit ikiorusuttuaannarlugu ilisimatittassavat. Atuarfimmi qanoq pineqartarnera pillugu paasisaqarusukkaluarputit, tamannali tunuarsimaarfi giuk qanilaartumillu periuseqartarit. Ernersi nammineq aaliangiisuusariaqarpoq suut oqaluttuarissanerlugit. Taamaasiornikkut nammineq ammarnerussaaq pinngitsaalineqanngitsutullu misigissalluni.
Ernissi nuannaanngittarnera illit uivillu aappariittut pilluannginnissinnik pissuteqarsinnaanera eqqarsaatigisimaviuk? Meeqqat angajoqqaamik isumaqatigiinngittarnerannik ullut tamaasa tusaasaqartartut misigissutsimikkut itisuumik sunnerneqartarput.
Uinnit tapersersorneqartarnissat pisariaqartippat, tamannalu tupinnanngilaq pissusissamisuuginnarpoq. Inooqatissamisut qinersimagamisit tapersersortussaavaatit. Meeqqasi illillu pillusi akisussaassusilittut iliuuseqartariaqarputit. Suut tamaasa ataatsimut qiviakkit, uiit pissutigalugu aqqusaartakkatit avaanngunartut kisiisa isiginiarnagit. Immissinnut tapersersoritsi, aappariittut inuttullu ataasiakkaatut misigissutsikkut ajornartorsiutisi suunersut paasiniarsigit. Uivit akissussaaqataanini paasisinnaanngippagu imminut aperisariaqarputit taamaattoq inooqatigiuaannassanerlugu.
Ernerit maluginiaruk, uummatimigut ilinnut qinnuteqarpoq, ”anaana asanninnermik kamannerunngitsumik ikiunnga”.
Ernerit atorfissaqartitani pillugit ersersitsiniarnissaanut periarfissiguk.
Asannittumik inuulluarit, Berthe

Berthe Rasmussen

Berthe Rasmussen
Berthe Rasmussen
angakkuuvoq katsorsaasoq, ajorunnaarsaasartoq (healer) assigiinngitsunillu ajornartorsiutillinnik katsorsaasartoq. Misigissutsikkut, inuttut, eqqarsartaatsikkut timikkullu aammattaaq anersaakkut ajornartorsiutit sammisarpai.

Uani apeqqutit ARNANUT nassiussat akisarpai. Kikkulluunniit tassunga apeqquteqarlutik allassinnaapput.

Berthep nittartagaa alakkarneqarsinnaasoq aana: www.centerforinuitfolk.dk

Asasara Berthe,
inersimasuugaluarlunga meeqqatut ersitutigaanga.
Unnuakkut kisimiinnissara ersigaara, naluara sooq taamaannerlunga aamma qatsuteqaara. Taamaattumik sooq taama ersitutiginera sumik patsiseqarnersoq paaserusuppara.
Unnuakkut eqqissillunga sinilersinnaavunga, tassaanngaannarli itertarpunga ersillunga, suna imaluunniit suut ersiginerlugit naluara. Tamanna pissutigalugu ullukkut qasujasarpunga, kisianni sumut ikiortissarsiornissara naluara. Ullukkut qasoqqanera pissutigalugu appiussuunneqartarpunga, naak sooq qasoqqanersunga nassuiartaraluarlugu, taamaattoqaraangat ingallunga qasuummertarpunga aliasuutigisarlugulu. Ikiulaannga siunnersorlungalu qasoqqasarnera qaangerniarlugu qanoq iliussanersunga. Ingammik unnuakkut ersisarnera qanoq qaangersinnaaneriga paaserusuppara.
Ikinngutinnersumik inuulluarit, ersitooq

Qaangiussinnaammat tuppallersaatigiuk
Asasara ersitooq,
unnuakkut ersisarneq assigiinngitsorpassuarnik pissuteqarsinnaavoq. Tuppallersaatigissavallu qaangiussinnaammat.
Oqaannassalluni ”ersissanngilatit” ajornanngeqisoq nalunngilara, nalunngiinnassavalli ersinerit tassaammat illit tarnikkut nukit saqqummerluni ”inooqataarusuttoq” kisianni ersinernit mattunneqartoq. Tamanna naqitsinertut malugivat tassaavorlu misigissuseq ilunnit anerusuttoq. Ersinerit sivitsorpallaarsimavoq, MASSAKKULLU anisariaqalerpoq, nukissaqarputimmi. Qanoq iliornikkulluunniit siumukarsinnaavutit, kisianni siumukarnerit aamma illit nammineq unitsissinnaavat malugisatit maluginngitsuusaartarukkit, taava unittoortutut misigilersarputit, misigissutsikkullu mattussatit´pissutigalugit ajornartorsiuteqalersarlutit.
Ersillutit iteraangavit makittassaatit eqqississutigisinnaasannillu sammisaqarlutit, innangaannarlutit ersinerit kisiat eqqarsaatigukku suli ajornerulissaaq. Sapinngikkukku nukissaqartutullu misigiguit taava iteraangavit eqqarsaatit suut ersilersittarneraatsit maluginiarsinnaavat. Kisianni taamaaliussaguit eqqarsaativit avataanni isiginnaartutut inississaatit, soorlumi tassa illiunngitsup eqqarsaataasut isigissavatit.
Tamatuma kingorna nammineq imaluunniit ikiortissarsiorlutit misigissutsikkut unittoorutitit qaangerniarsinnaavatit.
Misigissutsit itisuumiittut takkuteqqaarmata ersigilersimasatit uterfi geqqissallugit qununarsinnaavoq, aqqusaaqqillugilli paasiniaaneq iluatsissinnaagukku oqiliallannerujussuaq angussavat.
Allat illit pillutit qanoq isumaqarneri soqutigissanngilatit, tamakku ajornartorsiutitik namminneq qaangerniartussaavaat, avaanngunartuutitik allanut tutsinniartussaanngilaat. Kisianni ajortitsiniartutut isummerfigissanngilatit isumakkeerfigissavatilli.
Inussiarnersumik inuulluarna, Berthe

Berthe Rasmussen