Kigutit
Meeqqap inunngornerata nalaani immuttuutit 20-t meeqqap kiguserfiini, arfi nilinnik qaammateqarnerata nalaani puttunnissaminnut piareeqqareertarput. Meeqqap 3-4-nik ukioqalernerata nalaani immuttuutit tamarmik puttutereersimasarput, taamaakkaluartorli meeqqat ilaat kigutitaarniaataartarput ilaallu kigutitaajaartarlutik. Tamannali allaanerussutaanngilaq. Kigutit peqqissuuppata, taarserneqarnissaminnullu taamaattuaannarunik naammaqaaq. Nalinginnaasumik kigutit saarliit alliit marluk nueqqaartarput – tulliani saarliit qullit marluk nuisarput. Aammali puttunnerisa tulleriiaarnerat allaanerusinnaavoq – tamannali apeqqutaanngilaq. Meeqqat kigutitaarnialeraangamik kiguserfimmikkut anniartarput. Piffi ssarlu taanna meeqqamut ilissinnullu nuanniissinnaavoq. Kigutitaarnialerneq peruluutinut assigiinngitsunut pisuutinneqakkajuppoq, soorlu nullut aappalutsinnerinut, kissarneqalernermullu. Kisianni uppernarsineqarnikuunngilaq ilumut kigutitaalerneq taamaalisitsisartoq. Meeraq annertuumik imaluunniit piffissami sivisuum i kissarneqarpat kigutit pisuussutiginngilaat - taava meeraq napparsimavoq. Meeqqap kiguserfiiungilappata annernarpataluunniit arlaannik nillertumik kimmagassaanik tunineqarsinnaavoq, soorlu meeraaqqanut kimmagassamik imaluunniit agurkimik nillertumik. Meeraq anniarpallaarpat nakorsaq saaffigiuk. Kigut siulleq puttuppat kigutigissaatip meeqqamut ilisaritinnissaa piffissanngorsimassaaq. Kigutigissaat qituttoq atoruk, kigutinullu qaqorsaat meeqqap eqeqquata kukiatut annertutigisoq taamaallaat atorlugu. www.voresborn.dk

Atuakkamit, Atuagaq immuttuutit pillugit-nit, PAARISA-mit, Dansk Tandlægeforening Colgatelu suleqatigalugit saqqummersinneqar- simasumit tigulaakkat.

- Meeraq nilliavallaartoq pinerit tamaasa nuannarineq ajorparput. Kisiannili eqqaamajuk, meeqqavit kigutinik paaqqutarinnilluarnissaa illit akisussaaffi gigakku. Naammagittaannarit, iluatsissaqqaarpoq. Meeqqat kigutinik paaqqutarinninneq ilikkarunikku, ileqqumik ajunngitsumik, inuunermik tamaat atugassaminik peqalissapput.

- Meeqqap kigutigissarniarnera ajornartorsiutaappat una misiliuk: Ikiortissannik nassaarit. Akileriillusi seeqqorlusi ingigitsi. Meeqqap niaqua kigutigissaasussap ”sarliassavaa”. Ikiortip meeqqap niui ”sarliassavai”, meerarlu aliikkusersorlugu, oqaluullugu arlaannilluunniit soqutigisaanik isiginnaartillugu. Kigutigissaasussap meeqqap niaqua tigullugu meeraq kigutigissassavaa. Eqqaamajuk: immannguaq kigutigissaaneq kigutigissaannginnermiit pitsaanerummat. - Meeqqat suttitortut kigutaat saarliit equsarput, soorlu kigutit suttimik inissaqartitsisutut isikkoqalerlutik. Tamanna ernumanartoqanngilaq, meeraq pingasut missaani suttitorunnaaruni amerlanertigut kigutai aaqqissapput.

- Meeraq sivisuumik kullutortarpat ungasinnerusoq eqqarsaatigalugu kigutai iluarsagassanngorataannaapput. - Meeqqap kigutai peqqissuuinnassappata, ullut tamaasa inersimasup salittassavai – meeqqap 12-inik ukioqalernissaata tungaanut.

- Meeqqap pingasunik ukioqalinnginnerani kigutilerisoq siullermeerlugu pulaareerneqarsimassaaq. Tamanna meeqqamut nuannersunngortinneqarsinnaavoq. Annertuuliuutiginagu. Nuannaariarnertut isigigaanni meeqqap taamaattussaannartut isigissavaa.

All.: Aminnguaq Dahl Petrussen
Ass.: Knud Josefsen

Peqatigiiffik Qarsoq
Boks 2230, 3900 Nuuk
qarsoq@qarsoq.gl

Ataasinngorneq 9. maj ataatsimeersuartoqarnerani peqatigiiffik ”Qarsoq” pilersinneqarpoq. Ilaqutariit napparsimasunik meerallit ikiorneqarsinnaanissaat peqatigiiffiup siunertaraa, ilungersunartumik napparsimasoortut nukitik piffissarlu napparsimasumut atorsinnaaniassammatigit sorpassuarnut allanut atornagit. Peqatigiiffiliornermi aamma pisortat ”eqeersarniarneqarput” ilaqutariit ajornartorsiortut suut tamaasa ajalusoortinnagit saaffi ssaqartariaqarnerat paasitinniarlugu. Nukappiarannguup kræftertup Qarsup ilaqutaasalu ilungersornerat Qarsullu toqunera tamatta eqqaamagunarparput. Peqatigiiffimmut ilaasortanngoruit ilaqutariit allat taamatungajak aqqusaagaqartut ikiorneqarsinnaalernissaat tapersersorsinnaavat. Ilaa sortanngorneq 100/200 koruuneqarpoq.

All.: Aminnguaq Dahl Petrussen