ILUAQUTAASINNAASOQ: Ini mikippat tarrarsuummik nivinngaagit anginerulersutut isikkoqalersittarpaa.

Natit ukiut 12-it atorneqareerlutik nungullarsimammata Karen Banke Petersen aalajangerpoq ineqarfini tamaat nutarterniarlugu. Tamannami qangali kissaatigisarsimavaa. Nutarterinermi ARNANUT malinnaavoq Nuummilu suliffiit arlallit Kaalap kissaatigisaanik sullippaat. Ininik pequsersuinermik paasisimasalik Dorthe Hansen siunnersuisuuvoq.

Karen Banke Petersen, NuukAqqa: Karen Banke Petersen.
Sumiinnera: Nuuk.
Atorfia: Afdelingssygeplejerske Utoqqaat Illuat-ni
Ukiui: 37 år.
Kisimiittuuvoq.
Meerai: Christian Pituaq 6-nik aamma Hanne Louise Panituaq 4-nik ukiullit.

Sooq angerlarsimaffiit nutarterusuppiuk?
– Avinnerma kingorna nuukkamali pequtit nuuttaqattaaginnavippakka allanngortitsererusullungalu, soorlu inuunermut allamut ingerlaqqinnera malunnartinniarlugu. Aamma initunerulernissaa pequtillu assigiiaarnerulernissaat kissaatigaara.

Natip qaavaa qapiarneqaqqammermat mingutsinneqaqqunagu plastikimik qallerneqarsimavoq. Amiinermut Flügger atortut tamaasa plastikkilu Nuuk Farvelagerip tunniussarai.

Pequtilersueriaaseq sorleq?
– Nuannersut asannippaluttut pisariitsullu nuannaraakka, makku suarsuppassuit qalipaateqarpallaartullu pinnagit. Pequtikukka taartuupput allalersukkat, mannakkulli qaamanerusunik pequtitaarusuppunga.

ILUAQUTAASINNAASOQ: Meeqqavit qalipagaat assilialiutikkit – meeqqat eqqumiitsuliullaqqissuupput. Aajuna Kaalap pania Hanne Louise qalipaaleruttortoq
Inernera qanoq isumaqarfi gaajuk?
– Inip kialaarpasinnerullunilu alianaannera nuannareqaara. Amiutip qanoq sunniuteqartigisinnaanera tupinnaqaaq. Aamma pequsersorneqarnera assut nuannaraara, naasut angisuut, qullilersornera pequtillu qaqortut ini nuannernerulersillugulu persuarsiorpasinnginnerulersippaat.

Suna tupaallaatiginerpaaviuk?
- Initunerulernera. Takuuk sunaaffaana TV, DVD maskinat, højtalerit allallu taamak initutigisimasut. Maanna TV iikkami nivingavoq, atortorissaarutillu allat ataatsimoorlutik maskinami mikisunnguamiipput højtalerillu mikisuaraallutik. Ledningit ersinngillat. Tamakku tamarmik ini allanngortilluinnarpaat.


Dorthe Egede Hansen, NIVIDorthe Egede Hansen, dekoratør pequtilersuinermik paasisimasalik pisiniarfik NIVI-mik piginneqataasoq Karen Banke Petersenip angerlarsimaffimminik nutarterinerani siunnersortaavoq: – Iikkat qorsorpaluttumik sakkukitsumik amerneqarsimanerisa pequtillu qaqortuunerisa ini nuannersumik qasuernartumillu qaamaneqartilersippaat. Soorlumi oqarniartut manna eqqissisimanartoq nuannerlunilu. Qujanartumik igalaat qaamanermut iluaqutaaqaat saaguilu tulluullutik. Aamma igaffiup assigiinngitsunik suliaqarfiusinnaanera pingaaruteqarpoq. Taburettit kusassaataallutillu issiavigineqarsinnaapput. Ilusilerneqarsimanera Kaalammut assigiinngitsorpassuarnik sammisalimmut aamma pulaartoqarnermik nuannarisalimmut naleqquppoq – eqqissinartoq nuannersoq.